Gure ikastetxea, KA210VET proiektuaren kide gisa, SEED Erasmus+ Proiektuan parte hartu du aurreko astean Estanbulen, hezkuntza, jasangarritasuna eta ekintzailetza sustatzeko.
Astea biziki inspiratzailea izan da, lankidetza eta ikaskuntza uztartuz. Proiektuaren partaide gisa, ikasle eta irakasleekin batera iraunkortasun praktikak eta gastronomia jasangarria ezagutzeko aukera izan dugu.
Lehen egunean, Ortaköy Zübeyde Hanım Lanbide eta Heziketa Teknikoko Institutukoek egin ziguten harrera beroa, ikasleek prestatu zuten bazkari goxoa eskainiz. Arratsaldean, Kadıköy merkatu ekologiko eta organikoa bisitatu genuen, eta eguna Çiya Sofrası jatetxe ospetsuan amaitu genuen, Anatoliako sukaldaritza tradizionalaz gozatzeko.
Astean zehar, parte-hartzaileek hainbat lekutara bisitatu zuten, non iraunkortasuna eta gastronomia elkarlanean nola funtzionatzen duten ikusi genuen. Taze Mutfak-en, tokiko osagaietan oinarritutako ekoizpen arduratsua ezagutu genuen, elikagai-hondakinak minimizatuz eta ingurumenarekiko errespetuz. Chef’s Table Culinary Academy-n, sukaldaritza-hezkuntzan iraunkortasun printzipioak nola txertatzen diren ikasi genuen, ikasleen prestakuntza jasangarria bermatzeko. Çırağan Palace Kempinski-n, luxuzko jatetxe batean zero-hondakin politika nola aplikatzen duten eta osagai ekologikoak nola erabiltzen dituzten aurkeztu ziguten.
Eta azkenik, Nicole Restaurant-en, auzo historikoan, parte hartu genuen dastaketa-saio berezian. Nicole jatetxe elegante eta informal bat da, non elikagai naturalak eta iraunkorrak eskaintzen diren, Turkiako nekazari eta ekoizle dedikatuenetatik jasotako osagaiekin. Bertan, sukaldaritza moderno turkiarra eta iraunkortasuna uztartzen dira, eta “Tasting Menu” eta “Wine Pairing” aukerak eskaintzen dira, denboraldi bakoitzeko produktuak eta artisautza gastronomikoa nabarmentzeko. Nicole-k hainbat sari jaso ditu, tartean One Star 2025 Michelin Guide-n sarrera berri bezala.
Astea ziurtagiri-banaketa ekitaldiarekin amaitu zen, eta parte-hartzaileek etxeko eskolatan aplika daitezkeen ideiak eta hurrengo pausoak adostu zituzten, besteak beste sukaldaritza-liburu digital bateratua eta bideo hezigarrien itzulpena sortzea.
Esperientzia honek erakutsi digu nola hezkuntza, iraunkortasuna eta berrikuntza elkarlanean etorkizuna eraikitzeko tresna indartsuak diren. Eskerrik asko gure bazkide turkiarrei beren harrera beroagatik eta lan bikainagatik!
