Haroa Rodríguez, merkataritza eta marketineko irakaslea, SEED – Sustainable Eco-gastrotourism and Education Development proiektuan lanean ari da, Xabier Zubiri Manteo ikastetxeko ordezkari gisa, eta martxoaren 9tik 13ra ospatu zen hirugarren topaketa presentzialean parte hartzeko ardura izan du. Jardunaldia Agrupamento de Escolas de Lousada (Portugal) ikastetxean egin zen, LHII Hostelería Gamarra koordinatzaile lanetan. Topaketak parte hartu zuten bazkide guztiak bildu zituen, besteak beste: Agrupamento de Escolas de Lousada (Portugal), Ortaköy Zübeyde Hanım Lisesi (Turkia) eta gure ikastetxea.
Lehen egunean, parte-hartzaileek Terra com Vida – Permaculture proiektua ezagutzeko aukera izan zuten, permakulturaren printzipioak eta lurraren kudeaketa jasangarria aztertuz. Arratsaldean, Isabel Ferreira doktoreak aurkeztutako Xtremegourmet 2.0 – Halophytes & Innovation saioa izan zen, eta ondoren Portugal, Espainia eta Turkiako sukaldariek menua elkarrekin diseinatu zuten.
Bigarren egunean, From Farm to Plate tailer praktikoan, Xabi, Ahmed, Metin eta Sara chefek Terra com Vida proiektuko produktuekin bazkari jasangarri bat prestatu zuten. Halaber, bazkideek Erva Cidreira proiektua ezagutzeko aukera izan zuten, bertako produktuak eta ekonomia zirkularreko praktikak erakutsiz, eta bertan bazkari osasungarri eta goxoa dastatu zuten.
Topaketa koordinazio eta ebaluazio saio batekin amaitu zen, proiektuaren aurrerapena aztertuz eta etorkizuneko lan-ildoak zehaztuz
