IKT Inguruneetako Zibersegurtasunean Espezializatutako Goi-Mailako Teknikaria
Ikasturte 1 (900 ordu gutxienez, 720 ordu ikastetxean eta 270 enpresan, gutxienez).
Informatika eta Komunikazioak, Telekomunikazio eta Informatika Sistemak eta Mantentze Elektronikoa lanbide-arloko goi-mailako prestakuntza-zikloak.
Informazio-sistemetan segurtasun-estrategiak definitzea eta ezartzea, zibersegurtasuneko diagnostikoak eginez, ahuleziak identifikatuz eta horiek arintzeko beharrezko neurriak ezarriz, indarrean dagoen araudia eta sektoreko estandarrak aplikatuz, kalitate-protokoloei, laneko arriskuen prebentzioari eta ingurumena errespetatzeari dagokienez.
Ordenagailuak eta periferikoak sare kableatuetan eta hari gabekoetan integratzea, eta horien funtzionamendua eta prestazioak ebaluatzea. Informazioa segurtasunez tratatzeko jarraibideak eta praktikak hartzea sistema informatiko baten ahultasunak ezagutzeko, eta hau ziurtatzeko beharra. Sistema eragileen funtzio aurreratuak administratzea hauen barne-funtzionamendua kontuan hartuta, segurtasun-politika zentralizatuak ezarriz, eta sistemako konfigurazio-fitxategiak eta exekutatzen diren prozesuak identifikatuz. Programazioko oinarrizko elementuak erabiltzen dituzten programak sortzea, eta informazioa kanpoko memorian biltegiratzeko egiturak inplementatzea, hau da, artxiboetan eta datu-baseetan.
Erakundearen zibersegurtasun-intzidenteak aztertzeko, detektatzeko eta horiei erantzuteko eginkizunak betetzeko prestakuntza. Zibersegurtasun-intzidenteak aztertzeko eta detektatzeko eginkizunak hainbat alderdi barne hartzen ditu, hala nola, ebidentziak biltzeko sistemen monitorizazioa atzemandako gertakariei erantzun egokia eman ahal izateko. Era berean, zibersegurtasunaren arloko prebentzio- eta kontzientziazio-planak egiteko beharrezkoak diren ezagutzak lortuko dira.
Eraso- eta defentsa-teknikak ezartzea sistemen, sareen, web-aplikazioen eta aplikazio mugikorren probaingurunetan ahultasunak detektatzeko, sarbidea lortzeko eta informazio-sistemetan sarbidea sendotzeko. Arriskuen analisia egitea aktiboak, mehatxuak, ahultasunak eta segurtasun-neurriak identifikatzeko.
Araugintza betetzea bermatzeko aplikazio-puntu nagusiak identifikatzea funtzioak, erantzukizunak eta araudia betetzeko sistemen diseinua aitortuz eta aplikagarria den legedia eta jurisprudentzia hautatuz. Ezarritako prozedurak dituzten erakundeen eta pertsona juridikoen erantzukizun penala betetzeko indarrean dagoen araudia ezagutzea eta aplikatzea.
Sekurizazio-planak eta ordenagailu-sareak diseinatzea, sistemak eta sareak gotortzeko praktika egokiak txertatuta, pertsonen sarbidea eta autentifikazioa kontrolatzeko sistemak konfiguratuta, eta datuen konfidentzialtasuna eta pribatutasuna zainduta. Segurtasun-eskakizunak betetzen dituzten gailu eta sistema informatikoak konfiguratzea erasoekiko esposizio-probabilitateak minimizatuta. Informazio-sistemetan gertatzen den jarduera monitorizatzea, eta gertaerak SIEM tresnetan zentralizatzea. IT zatia OT zatiarekin integratzeko diseinua, erakundearen barruan edo kanpoan gerta daitezkeen erasoen aurrean OT gailuak bermatuz. Segurtasun-tresnak ikastea, batez ere industriako gainbegiratze- eta kontrol-sistemetara bideratua, zibererasoek industria-inguruneetan eragin ditzaketen inpaktuei aurrea hartu eta arindu ahal izateko.
Objektuetan eta klaseetan antolatutako programak egitea, objektuetara orientatutako programazioaren oinarrien ezaugarri aurreratuak aplikatuta. Aplikazioek eskatzen duten segurtasun-maila zehaztea, eta ohiko eraso-bektoreak eta horiei lotutako arriskuak identifikatzea. Web aplikazioen ahultasunak hautematea eta zuzentzea, hauen iturburu-kodea aztertuta eta web zerbitzariak konfiguratuta. Gailu mugikorretarako aplikazioetan segurtasun-arazoak hautematea, hauen gauzatzea monitorizatuta eta fitxategiak eta datuak aztertuta. Softwarea zabaltzeko sistema seguruak ezartzea, DevSecOps, bere elementuen eraikuntza automatizatzeko tresnak erabiliz.
Ordenagailu pertsonaletan, gailu mugikorretan, Cloud-ean eta IoT-ean analisi forentserako ezarritako, eguneratutako eta onartutako metodologiak aplikatzea, eta kontserbazio-, eskuratze-, analisi- eta dokumentazio-faseak ezaugarritzea.
Formazioa inguruko enpresetan gauzatzen da. Ikasle bakoitzak Ikastetxean tutore bat izango du, eta, enpresan, formazioaren jarraipen zehatza egingo dion instruktore bat.
Ia ikasle guztiek DUAL Intentsiboa modalitatean egiten dute prestakuntza enpresetan, beken bidez.
Lan praktikak atzerriko enpresetan egiteko aukera Erasmus+ bekei esker
