ZUBIRI MANTEO bhi

Internazionalizazioa

XABIER ZUBIRI-MANTEO BHI internazionalizazioaren helburua da nahi duen ikasle edo irakasle orok Europako Erkidegoko beste herrialde batzuetan truke, praktika edo/eta prestakuntza esperientzia bat izateko aukera izatea.

Irakaskuntza eleanitza sustatzen dugu. Eskaintzen ditugun heziketa zikloetan, Euskal Autonomia Erkidegoko hizkuntza ofizialez gain, hau da, euskaraz eta gaztelaniaz irakasteaz gain, ingelesez edota frantsesez ere irakasten dugu.

Erasmus

ERASMUS+ programan parte hartzea (Lanbide Heziketako erdi eta goi mailako ikasleak eta langileak) lehentasunezkoa da Xabier Zubiri-Manteo BHIren Ikastetxeko Hezkuntza Proiektuan, zeina Internazionalizazio Planean jasota baitago.

Erasmus+ programak Europako hezkuntzaren kalitatea hobetu nahi du, ikasleei, irakasleei eta irakasle ez diren langileei atzerrian ikasketak eta praktikak eginez ikasteko mugikortasunerako aukerak eskainiz.

Ikasleei dagokienez, helburua gaitasun pertsonalak, linguistikoak eta sozialak hobetzea da eta, aldi berean, enplegagarritasuna handitzea, haien lan itxaropenak zabaltzeko eta hezkuntzaren eremutik lan merkatura igarotzea errazteko.

Prestatzaileek, tutoreek eta arduradunek egindako jardueren helburua garapen profesional handiagoa sustatzea da, haien gaitasunak hobetzeko, ezagutzak zabaltzeko eta erakundeak modernizatzeko.

LHko Erasmus+ Mugikortasun Gutunean ezarritako gardentasun eta kalitate irizpideei jarraituz lan egiten dugu: (VET MOBILITY CHARTER), Goi Mailako Hezkuntzako Erasmus+ Gutuna (ECHE) eta Zentroaren nazioartekotze politikak. Guztiak ERASMUS+ POLICY STATEMENT dokumentuan jasota daude. 

LH ikasleak

Ikasleentzat Mugikortasuna
  • Lan-praktikak Europako enpresetan Prestakuntza Zikloetako ikasleentzat, Erasmus+ eta PyireneFP programen barruan. Ikasturtean zehar garatzen dira, iraupen desberdinekin. Hizkuntza- eta gizarte-gaitasunak eta trebetasun pertsonalak hobetzen eta enplegu-aukerak areagotzen lagunduko dute.
  • Global Training bezalako nazioarteko programetan parte hartzea sustatzen dugu, jarduera profesional batekin zuzenean lotutako praktikak eginez.
  • Europako beste ikastetxe batzuetako ikasleak jasotzen ditugu, praktika profesionalak gure artean egin ditzaten, hezkuntza- eta kultura-jarduerekin batera.

Lh irakasleak

Irakasleentzat Mugikortasuna

Erasmus+ programaren barruan, irakasleen mugikortasuna ere kudeatzen dugu, haien garapen profesionala zabaltzeko eta hobetzeko, eta, gainera, Europako beste herrialde batzuetako zentro homologoekin lankidetzan aritzeko aukera ematen dugu, haiekin hainbat mailatako lankidetza proiektuak egiteko akordioak ezartzen baitira.

Gainera, Europako beste ikastetxe batzuetako irakasleak jasotzen ditugu, eta horiekin kudeaketa-, antolaketa- eta/edo metodologia-alderdiak partekatzen dira, baita lankidetza-akordioak ere.

LH ikasleak eta irakasleak

Nazioarteko proiektuak

Nazioarteko ikastetxeekin elkarlanean burututako proiektuak:

  • SEED (Sustainable Eco-gastrotourism and Education and Development KA210-VET-000265875) proiektua. ​

 

 

 

 

Global training

Eusko Jaurlaritzako Ekonomiaren Garapen eta Lehiakortasun Sailak beka horiek sustatzen ditu, atzerriko enpresa eta erakundeetan prestakuntza praktikoa emanez, euskal gazteek gaitasunak eskura ditzaten.

Bekaren deskribapena

  • Nazioarteko praktiketako egonaldi bat enpresa batean.
  • Gutxienez sei hilabeteko iraupena.
  • Hilean 1.000 € inguru.
  • Ikaslanek esperientzia horretaz gozatzeko aukera eskaintzen du, Global Training programaren barruan, Goi Mailako Lanbide Heziketako titulua duten gazteentzako beka-proiektuaren bidez.

Baldintzak

  • Goi-mailako Lanbide Heziketa, beka eskatzen den urteko uztailaren 15a baino lehen lortua.
  • Administrazio-auzotasuna Euskal Autonomia Erkidegoan izatea 2025ko urtarrilaren 1a baino lehen, gutxienez urtebeteko antzinatasun etengabearekin.
  • 30 urte baino gutxiago izatea 2025ko urtarrilaren 1ean.
  • Atzerrian praktikak egiteko aukera eman duten sei hilabetetik gorako beken onuradun ez izatea.
  • Ingeleseko B2 maila izatea edo hori frogatzen duen azterketa bat egitea.
  • Zigor administratibo edo penalik ez izatea.

Jarraitu beharreko prozesua

  • Eskaera aurkezteko epea ekaina-uztaila izango da.
  • Hautaketa prozesua irailean izango da, eta honako hauek jasoko ditu:
    • CVa aztertzea eta titulazioa, prestakuntza, esperientzia eta praktikak baloratzea.
    • Ingeleseko proba. Ingeleseko B2 edo C1 maila ziurtatu ezin duten eskatzaileek hizkuntza-proba bat egin beharko dute.
    • Elkarrizketa pertsonala, hautagaiaren profila eskatutako enpresa eta lanposturako egokia den aztertzeko.