Administrazio Kudeaketako Teknikaria
2 ikasturte
Derrigorrezko Bigarren Hezkuntzako titulua
A eta D eredua (Goizez)
Titulu honen konpetentzia orokorra da enpresa publikoetan zein enpresa pribatuetan administrazio-laguntzako jarduerak egitea, lanaren, kontabilitatearen, merkataritzaren, finantzen eta zergen alorrean, eta bezeroari /erabiltzaileari arreta ematea, betiere indarrean dagoen araudia eta kalitate-protokoloak aplikatuz, bezeroen gogobetetasuna ziurtatuz eta laneko arriskuen prebentzioko eta ingurumen-babeseko arauen arabera jardunez.
Enpresaren barneko eta kanpoko komunikazioak igortzea, jasotzea, prozesatzea eta artxibatzea. Bezeroen kontsultei, kexei eta erreklamazioei erantzutea, kalitate-prozedurak aplikatuta.
Salerosketaren berezko administrazio-dokumentuak prestatzea (eskaerak, albaranak, fakturak…). Zergak likidatzea, izakinak kontrolatzea, ordainketak eta kobrantzak izapidetzea…
Administrazio Publikoaren egitura ezagutzea, enpresaren zerga-betebeharrak identifikatzea, informazioa lortzeko kudeaketak egitea eta administrazio publikoetan dokumentuak aurkeztea.
Teklatua erabiltzen trebatzeko. Aplikazio informatikoak erabiltzea, hala nola testu-prozesadoreak, kalkulu-orriak, datu-baseak… Multimediako dokumentazio eta aurkezpen profesionalak hainbat formatutan egitea, eta informazio-sistemak, posta elektronikoa eta abar administratzea.
Enpresa Txiki eta Ertainen Kontabilitate Plan Orokorraren oinarrizko edukia ezagutzea. Kontabilizazio-eragiketak egitea berariazko informatika-aplikazioak erabiliz.
Lan-kontratuak ezagutzea, langileak hautatzea, nominak egitea eta zergak likidatzea, langileen gorabeherak kontrolatzea, kalitate-prozedurak, laneko arriskuen prebentzioa eta ingurumen-babesa aplikatuta.
Kontuak egiaztatzea eta kontabilitate-erregistro bakoitza euskarri-dokumentuen datuekin lotzea. Ekitaldi ekonomiko oso bati dagozkion ohiko eragiketa ekonomikoak kontabilizatzea. Kontabilitate-egitateen euskarri-dokumentazioa prestatzea.
Ahozko zein idatzizko mezuak ingelesez sortzea eta igortzea. Enpresaren dokumentazioa aztertzea, interpretatzea eta ekoiztea.
Enpresa baten simulazio integralaren bidez, gainerako moduluetan eskuratutako ezagutzak praktikan jartzea, banaka zein taldean.
Kobrantzak eta ordainketak kudeatzea eta kontrolatzea, bai eta dagokion dokumentazioa ere. Oinarrizko banku-eragiketak egitea, dokumentazioa interpretatuta, eta oinarrizko finantza-kalkuluak egitea, dagozkion finantza-legeak identifikatuta eta aplikatuta.
Sektorearen ezaugarriak identifikatzea eta lanpostuak definitzea. Laneko arriskuen prebentzioa. Lan-baldintzak aztertzea. Laneratze-prozesua eta bizialdi osoko ikaskuntza.
Enplegurako hautaketa-prozesuak. Konpetentzia pertsonalak, sozialak eta emozionalak. Ekintzailetza-trebetasunak. Ekintzailetza-ideiak. Proiektu ekintzailea.
Ekonomia lineala eta zirkularra. Laugarren eta bosgarren industria-iraultzak. Cloud eta sistema
konektatuak. Produkzio-sistemen ezaugarriak. Ekonomia linealean oinarritutako sektoreko enpresa
klasiko bat 5.0 kontzeptura eraldatzeko plan bat egitea.
Nazio Batuen 2030 Agenda eta Garapen Jasangarrirako Helburuak. Euskadiko LH Basque Country 2030
Agenda. Ingurumen- eta gizarte-erronkak. Jasangarritasun-irizpideak jardun profesionalean eta
pertsonalean. Produktu eta zerbitzu arduratsuak. Jarduera jasangarriak. Enpresa-jasangarritasuneko
planen analisia
Hautazko moduluak zehazteko
Prestakuntza inguruko enpresetan egingo da. Ikasle bakoitzak tutore bat izango du ikastetxean eta instruktore bat enpresan. Tutore horiek prestakuntzaren jarraipen zehatza egingo dute.
Erasmus+ bekei esker, beste herrialde batzuetako enpresetan praktikak egiteko aukera izango dute.
